23-12-2024 14:43:51 | Հայաստան | Ի՞նչ է գրում մամուլը
Ազատություն. ԱՄՆ Պետդեպարտամենտը կոչ է արել իր քաղաքացիներին անհապաղ լքել Բելառուսը։
Դեկտեմբերի 18-ին հրապարակված հանձնարարականում որպես պատճառ նշվում է Մինսկի կողմից «տեղական օրենքների կամայական կիրառման և կալանավորման վտանգը, Ուկրաինայի դեմ Ռուսաստանի պատերազմի շարունակական խթանման և տարածաշրջանային անկայունության ու անկանխատեսելիության աճը»։
Պետդեպը Բելառուսում ԱՄՆ քաղաքացիներին հորդորում է խուսափել ցույցերից, ինչպես նաև ուշադիր լինել էլեկտրոնային սարքերի նկատմամբ՝ նշելով, որ դրանցում եղած տեղեկատվությունը կարող է կալանավորման հիմք հանդիսանալ։
Միացյալ Նահանգները 2022-ի փետրվարից դադարեցրել է Մինսկում դեսպանատան աշխատանքը։
Պետդեպարտամենը նշում է, որ ԱՄՆ քաղաքացիները, ովքեր գտնվում են Բելառուսում և հյուպատոսական ծառայությունների կարիք ունեն, պետք է հնարավորինս շուտ լքեն երկիրը և կապ հաստատեն այլ երկրում ԱՄՆ դեսպանատան կամ հյուպատոսության հետ ՝միևնույն ժամանակ զգուշացնելով, որ արտակարգ իրավիճակների դեպքում հարևան երկրների հետ Բելառուսի սահմանային անցումները երբեմն փակվում են առանց նախազգուշացումների։
ՀԱՅԵՐԵՆ
Русский
English
Դաս. հայերեն
French
