Նորամարգ գյուղում բեռնատարներ են բախվել. կա տուժած

10-05-2025 15:15:58 | Արարատի մարզ | Մամլո հաղորդագրություն

Մայիսի 10-ին՝ ժամը 13:20-ին, Արարատի մարզային փրկարարական վարչության ճգնաժամային կառավարման կենտրոն տեղեկություն է ստացվել, որ Նորամարգ գյուղում տեղի է ունեցել ՃՏՊ, կան տուժածներ։

Դեպքի վայր է մեկնել ՆԳՆ ՓԾ մարզային փրկարարական վարչության հրշեջ-փրկարարական ջոկատից մեկ մարտական հաշվարկ:

Պարզվել է, որ Նորամարգ գյուղի Ազատության փողոցում բախվել են GAZ և GAZelle մակնիշների բեռնատարները. GAZelle մակնիշի բեռնատարը կողաշրջվել է։

Մինչ փրկարարների կանչի վայր հասնելը՝ GAZelle մակնիշի բեռնատարի վարորդը տեղի ուժերով դուրս է բերվել ավտոմեքենայից և հոսպիտալացվել։

Փրկարարները հոսանքազրկել են ավտոմեքենաները և փակել գազի բալոնների փականները։

Նոյյան տապան - Մամլո հաղորդագրություն