«ՄԵԾ ՍԱՂԱՎԱՐՏ» ՄՐՑԱՇԱՐՈՒՄ ԼԵՎՈՆ ԱՐՈՆՅԱՆԸ 6 ՄԻԱՎՈՐՈՎ
ԸՆԹԱՆՈՒՄ Է 3 ՏԵՂՈՒՄ
09-09-2008 16:00:00 | Իսպանիա | Սպորտ
ԲԻԼԲԱՈ, 9 ՍԵՊՏԵՄԲԵՐԻ, ՆՈՅՅԱՆ ՏԱՊԱՆ: Իսպանիայի Բիլբաո
քաղաքում շախմատի «Մեծ սաղավարտ» միջազգային մրցաշարում սեպտեմբերի
8-ին կայացած 6-րդ փուլում Լեւոն Արոնյանը (Հայաստան) սեւ
խաղաքարերով պարտվեց Մագնուս Կառլսենին (Նորվեգիա): Վեսելին
Թոփալով (Բուլղարիա) - Թեմուր Ռաջաբով (Ադրբեջան) եւ Վասիլի
Իվանչուկ (Ուկրաինա) - Վիշվանաթան Անանդ (Հնդկաստան) պարտիաները
խաղաղ ելք ունեցան:
Մրցաշարային աղյուսակը 11 միավորով գլխավորում է Մ.Կառլսենը:
Առաջատարին հաջորդում են Վ.Թոփալովը` 10, Լ.Արոնյանը` 6,
Վ.Իվանչուկը, Անանդը եւ Ռաջաբովը` 5-ական միվորով:
Սեպտեմբերի 9-ին նշանակված 7-րդ փուլում Լ.Արոնյանի մրցակիցը
Վ.Թոփալովն է: