Ալիևը հրամայել է ադրբեջանական բանակին ձեռնարկել պատասխան միջոցներ Նախիջևանի վրա հարձակումից հետո
05-03-2026 17:09:00 | Ադրբեջան | Ի՞նչ է գրում մամուլը
shantnews.am Ադրբեջանի նախագահ Իլհամ Ալիևը հայտարարել է, որ հանրապետության զինված ուժերին հանձնարարվել է ձեռնարկել պատասխան գործողություններ Նախիջևանի վրա Իրանի հարձակումից հետո։
«Մենք չենք հանդուրժի այս անհիմն ահաբեկչական գործողությունը և Ադրբեջանի դեմ իրականացված ագրեսիան։ Մեր զինված ուժերին հանձնարարվել է պատրաստել և իրականացնել պատասխան միջոցառումներ», – ասել է Ալիևը հանրապետության Անվտանգության խորհրդի նիստում։
Նրա խոսքով՝ սա առաջին դեպքը չէ, որ Իրանը «ահաբեկչական գործողություններ է իրականացնում Ադրբեջանի և ադրբեջանցիների դեմ»։
Հինգշաբթի օրը ավելի վաղ Ադրբեջանի արտաքին գործերի նախարարությունը հայտնել էր, որ Իրանից անօդաչու թռչող սարքերով հարձակումներ են իրականացվել Նախիջևանի Ինքնավար Հանրապետության վրա, որի հետևանքով վիրավորվել է չորս մարդ։
ՀԱՅԵՐԵՆ
Русский
English
Դաս. հայերեն
French
