ՍԻՐԻԱՅԻ ԿԱՌԱՎԱՐՈՒԹՅՈՒՆԸ ՈՐՈՇՈՒՄ Է ԸՆԴՈՒՆԵԼ ՓԱԿԵԼ
ԴԱՄԱՍԿՈՍՈՒՄ ԱՄԵՐԻԿՅԱՆ ԴՊՐՈՑԸ ԵՎ ԱՄՆ-Ի ՄՇԱԿՈՒԹԱՅԻՆ ԿԵՆՏՐՈՆԸ
29-10-2008 16:43:00 | Սիրիա | Միջազգային
ԴԱՄԱՍԿՈՍ, 29 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Սիրիայի
կառավարությունը որոշում է ընդունել փակել ամերիկյան դպրոցը եւ
ԱՄՆ-ի մշակութային կենտրոնը Դամասկոսում: Այս մասին հաղորդել է
Քաթարի «Ալ-Ջազիրա» հեռուստաալիքը:
Սիրիայի Նախարարների խորհրդի այս որոշումը ընդունվել է այն
բանից հետո, երբ կիրակի երեկոյան ամերիկյան չորս մարտական
ուղղաթիռներ 8 կմ ներխուժել են սիրիական օդային տարածք եւ գրոհել
Էս-Սուկկարիա ավանում կառուցվող ֆերման: Զոհվել են ութ խաղաղ
բնակիչներ:
Ինչպես հայտարարել են ամերիկյան վարչակազմի
ներկայացուցիչները, սիրիական տարածքում մարտարշավի ժամանակ
հատուկջոկատայիններին հաջողվել է ոչնչացնել «Ալ-Քաիդա» ահաբեկչական
ցանցի պարագլուխներից մեկին, որը Իրաք էր փոխադրում արտասահմանցի
զինյալների: