ԵՐԵՎԱՆ, 16 ՆՈՅԵՄԲԵՐԻ, ՆՈՅՅԱՆ ՏԱՊԱՆ: ՀՀ Հանրային
ծառայությունները կարգավորող հանձնաժողովը նոյեմբերի 16-ին
վերահաստատեց «ԱրմենՏել»-ի կողմից մատուցվող ծառայությունների
ներկայումս գործող սակագները` դրանք համարելով առավելագույն
սակագներ: Այդպիսով դրանք կշարունակեն գործել նաեւ հաջորդ տարվա
հունվարի 1-ից:
Հանձնաժողովի մեկ այլ որոշմամբ, «ԱրմենՏել»-ին եւ
«Ղ-Տելեկոմ»-ին տրամադրվեց ռադիոհաճախականությունների օգտագործման
թույլտվություն, ինչը կնպաստի կապի որակի բարձրացմանը: Բացի այդ,
հանձնաժողովի որոշմամբ, 34 ՍՊԸ-երի եւ անհատ ձեռնարկատերերի
տրամադրվեցին հեռախոսահամարների զբաղեցման թույլտվություններ: