ՀՈԼԱՆԴԱՑԻ ՔԱՂԱՔԱԿԱՆ ԳՈՐԾԻՉԸ ՀԱՆԴԵՍ Է ԵԿԵԼ «ՂՈՒՐԱՆԸ
ԱՐԳԵԼԵԼՈՒ» ԿՈՉՈՎ
08-08-2007 19:06:00 | Նիդեռլանդներ | Միջազգային
ԱՄՍՏԵՐԴԱՄ, 8 ՕԳՈՍՏՈՍԻ, ՆՈՅՅԱՆ ՏԱՊԱՆ: Հոլանդիայի
«Ազատություն» կուսակցության առաջնորդ Գիրթ Ուիլդերսը պահանջել է
երկրում «ամբողջությամբ արգելել» Ղուրանը:
Հոլանդացի քաղաքական գործիչը «De Volksktrant» թերթին տված
հարցազրույցի ժամանակ հայտարարել է, թե մահմեդականների Սուրբ գիրքը
«չպետք է կապվի պետության իրավական համակարգի հետ», քանի որ այն
առաջ է բերում թշնամանք եւ ագրեսիա»:
Գիրթ Ուիլդերսը պահանջել է երկրում արգելել Ղուրանի
տարածումը:
Հոլանդիայի 150 հոգանոց Ներկայացուցիչների պալատում
«Ազատություն» կուսակցությունը հանդես է գալիս 9 անդամներով: Գիրթ
Ուիլդերսը նախկինում պահանջել էր արգելել իսլամական ավանդական
պարտադիր հանդերձանքը եւ նոր մզկիթների կառուցումը: