ՀԱՅԱՍՏԱՆԻ ԵՎ ԱԴՐԲԵՋԱՆԻ ԱԶԳԱՅԻՆ ՀԱՎԱՔԱԿԱՆՆԵՐԻ ՀԱՆԴԻՊՄԱՆ
ՎԱՅՐԸ ԿՈՐՈՇԻ ՈՒԵՖԱ-Ի ԳՈՐԾԿՈՄԸ
22-06-2007 19:26:00 | Հայաստան | Սպորտ
ԵՐԵՎԱՆ, 22 ՀՈՒՆԻՍԻ, ՆՈՅՅԱՆ ՏԱՊԱՆ: Հունիսի 22-23-ին
Հոլանդիայի Հերենվեն քաղաքում աշխատանքն է սկսել ֆուտբոլի
եվրոպական միության (ՈՒԵՖԱ) գործկոմի նիստը: Օրակարգում ընդգրկված
հարցերի թվում է նաեւ Եվրոպայի ֆուտբոլի առաջնության որակավորման
փուլի առաջին ենթախմբում ընդգրկված Հայաստանի եւ Ադրբեջանի ազգային
հավաքականների միջեւ սեպտեմբերի 8-ին եւ 18-ին նշանակված
հանդիպումների վայրի որոշումը: Ինչպես «ՆՈՅՅԱՆ ՏԱՊԱՆ»-թղթակցին
հայտնեցին Հայաստանի ֆուտբոլի ֆեդերացիայի մամլո ծառայությունից,
ՀՖՖ-ին գործկոմի նիստին մասնակցելու հրավեր չի ուղարկվել: