ԵՐԵՎԱՆ, 16 ՄԱՐՏԻ, ՆՈՅՅԱՆ ՏԱՊԱՆ: Մարտի 16-ին տեղացած ձյան եւ բուքի պատճառով այս պահի դրության Սելիմի լեռնանցքը դժվարանցանելի է դարձել: Ինչպես «ՆՈՅՅԱՆ ՏԱՊԱՆ»-ի թղթակցին հայտնեցին «Հայավտոճան» ընկերությունից, տարվում են համապատասխան աշխատանքներ լեռնանցքով ավտոտրանսպորտի նորմալ երթեւեկությունը ապահովելու համար: Նշվեց նաեւ, որ Հայաստանի հանրապետական եւ միջպետական մնացած բոլոր ավտոճանապարհները բաց են:

---