Հայաստանի երիտասարդ ծանրորդները հաղթող ճանաչվեցին Եվրոպայի
առաջնությունում
03-08-2009 18:44:00 | Շվեդիա | Սպորտ
ԼԱՆԴՍԿՐՈՒՆԱ, 3 ՕԳՈՍՏՈՍԻ, ՆՈՅՅԱՆ ՏԱՊԱՆ: Օգոստոսի 2-ին
Շվեդիայի Լանդսկրունա քաղաքում ավարտվեց ծանրամարտի Եվրոպայի
երիտասարդական առաջնությունը:
Ծանր քաշային կարգում 3 ոսկե մեդալ նվաճեց Հայաստանի
ներկայացուցիչ Ռուբեն Ալեքսանյանը (Արարատ): Նա պոկեց 175 կգ, հրեց
225 կգ եւ երկամարտում հավաքեց 400 կգ: Երկրորդ տեղը գրավեց Իրժի
Օրսագան (Չեխիա), ով հայ ծանրորդից ետ մնաց 14 կիլոգրամով. 386 կգ
(171 կգ + 215 կգ): Երրորդը Յուրի Տեգկաեւն էր (Ռուսաստան)` 376 կգ
(173 կգ + 203 կգ) արդյունքով: Հայաստանը ներկայացրած մյուս ծանր
քաշային Հայկ Հակոբյանը (Գյումրի) 362 կգ (167 կգ + 195 կգ)
արդյունքով եզրափակեց ուժեղագույն վեցյակը:
Մեդալների հաշվարկով 4 ծանրորդներով համալրված Հայաստանի
տղաների հավաքականը գրավեց 1-ին տեղը (6 ոսկե, 2 արծաթե եւ 1
բրոնզե մեդալ), իսկ 2 աղջիկները իրենց հաշվին գրանցեցին 1 ոսկե
մեդալ եւ թիմային պայքարում ճանաչվեցին 6-րդը: