ԱԴՐԲԵՋԱՆԻ ԴԵՍՊԱՆՈՒԹՅՈՒՆԸ ԲՈՂՈՔԻ ՆՈՏԱ Է ՆԵՐԿԱՅԱՑՐԵԼ
ԻՍՊԱՆԻԱՅԻ ԱԳՆ
10-10-2006 20:15:00 | Ադրբեջան | Միջազգային
ԲԱՔՈՒ, 10 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Մադրիդում Ադրբեջանի
դեսպանությունը բողոքի նոտա է հղել Իսպանիայի արտաքին գործերի
նախարարությանը:
Ինչպես հայտնել են Ադրբեջանի ԱԳՆ-ում, դրա պատճառը եղել է
այսպես կոչված «գրավյալ ադրբեջանական հողերում» իսպանական
փայտամշակման ընկերության գործունեության փաստի բացահայտումը:
Ինչպես հաղորդում է «Դեյ.ազը», Իսպանիայի ԱԳՆ փոխանցված
նոտայում պաշտոնական Բաքուն նշում է, որ այդ ոչ բարեկամական քայլը
վնաս է հասցնում ադրբեջանա-իսպանական հարաբերություններին: Այդ
առնչությամբ ադրբեջանական կողմը պահանջել է միջոցներ ձեռք առնել
նշված ընկերության անօրինական գործունեությունը դադարեցնելու
համար: