ԹԲԻԼԻՍԻՈՒՄ ՏԵՂԻ Է ՈՒՆԵՆՈՒՄ ԹԵՆԻՍԻ ԵՐԻՏԱՍԱՐԴԱԿԱՆ ՄՐՑԱՇԱՐ
19-06-2006 15:15:00 | Վրաստան | Միջազգային
ԹԲԻԼԻՍԻ, 19 ՀՈՒՆԻՍԻ, ՆՈՅՅԱՆ ՏԱՊԱՆ: Հունիսի 19-ին Թբիլիսիի
«Դինամո» ընկերության կորտերում սկսվել է վրացի թենիսիստուհի Ռենա
Աբժանդաձեի անվան 11-րդ թենիսի մրցաշարը: Ինչպես «Կավկազպրեսին»
հայտնել են «Թելասի» ընկերությունում, որը «Ռենայի գավաթի» գլխավոր
հովանավորն է, այս տարի մրցաշարն անցկացվում է Թենիսի եվրոպական
ասոցիացիայի (ETA) հովանու ներքո:
Մրցաշարին մարզիկներ են մասնակցում Վրաստանից, Ռուսաստանից,
Ադրբեջանից, Հայաստանից, Լիտվայից, Մոլդովայից եւ Էստոնիայից:
Մրցաշարի հաղթողները կորոշվեն մինչեւ 14 եւ 16 տարեկանների
տարիքային կատեգորիաներում: