ՀՐԱԶԴԱՆ, 18 ՄԱՅԻՍԻ, ՆՈՅՅԱՆ ՏԱՊԱՆ: Գալիք տարի կավարտվեն Կոտայքի մարզկենտրոնի Ջրառատ թաղամասի Սբ. Կարապետ եկեղեցու վերականգնման աշխատանքները: Արդեն մեկ տարուց ավելի շարունակվող աշխատանքները իրականացվում են Հրազդան քաղաքի նախկին բնակիչ, ներկայումս մոսկվաբնակ Աշոտ Գեւորյանի նախաձեռնությամբ եւ հովանավորությամբ: Եկեղեցու վերաբացումը նախատեսվում է կատարել Ջրառատի հիմնադրման 180-ամյակին նվիրված հանդիսությունների օրերին: Ջրառատը (նախկինում Մելիքի գյուղ կամ Ռնդամալ) հիմնադրել են 1827թ.-ին այստեղ գաղթած խոյեցի Մելիք Շեկոյի որդիները` Ստեփանը եւ Գրիգորը: Սբ. Կարապետ եկեղեցին, որը կառուցվել էր դեռեւս 16-րդ դարում, նորաբնակների կողմից վերակառուցվել է: Սակայն խորհրդային տարիներին եկեղեցին վերածվել էր մթերային պահեստի, այնուհետեւ աստիճանաբար քանդվել: Բարեբախտաբար պահպանվել է եկեղեցու պատերի քարերի զգալի մասը, որը եւ օգտագործվում է վերականգնողական աշխատանքներում:

---