ՇԱԽՄԱՏԻ ԱՐՑԱԽՅԱՆ ՄԻՋԱԶԳԱՅԻՆ ՄՐՑԱՇԱՐԻ ԱՌԱՋԱՏԱՐՆԵՐԸ ՇԱՀԵՑԻՆ
ԻՐԵՆՑ ՀԱՆԴԻՊՈՒՄՆԵՐԸ
06-10-2005 21:25:00 | Հայաստան | Սպորտ
ՍՏԵՓԱՆԱԿԵՐՏ, 6 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Ստեփանակերտում
ընթացող շախմատի «Ղարաբաղ-2005» միջազգային մրցաշարերում
անցկացվեցին 4-րդ տուրի հանդիպումները:
«Ա» մրցաշարի առաջատար Աշոտ Անաստասյանը (Հայաստան) կրկին
հաջող խաղաց. նա պարտության մատնեց Իվան Սոկոլովին (Հոլանդիա):
1-ական միավոր վաստակեցին նաեւ Հիկարու Նակամարան (ԱՄՆ) եւ Լեւոն
Արոնյանը (Հայաստան), որոնք պարտության մատնեցին,
համապատասխանաբար, Վիկտոր Բոլոգանին (Մոլդովա) եւ Բու Քսիանջիին
(Չինաստան): Մյուս երկու հանդիպումներում ոչ-ոքի խաղացին Կարեն
Ասրյանը (Հայաստան) եւ Վասիլի Իվանչուկը (Ուկրաինա), Բարթոլոմեյ
Մաչեյան (Լեհաստան) եւ Ալեքսեյ Դրեեւը (Ռուսաստան): 4 տուրից հետո
մրցապայքարը գլխավորում է Ա.Անաստասյանը, որը 3,5 միավոր է
վաստակել: 2-3-րդ տեղերը բաժանող Քսիանջին եւ Արոնյանը ունեն
2,5-ական միավոր:
«Բ» մրցաշարի 4-րդ տուրում Տիգրան Լ. Պետրոսյանը (Հայաստան)
պարտության մատնեց Արթուր Չիբուխչյանին (Հայաստան), Էրվին Լամին
(Հոլանդիա)` Ռաջ Թիշբիերեկին (Գերմանիա), Բենիամին Գալստյանը
(Ռուսաստան)` Կատերինա Լահնոյին (Ուկրաինա), Սերգեյ Գրիգորյանցը
(Ռուսաստան)` Եվգենի Սվեշնիկովին (Լատվիա), Արսեն Եղիազարյանը
(Հայաստան)` Լոպես Մարտինեսին (Իսպանիա:
«Բ» մրցաշարում 4 տուրից հետո առջեւում Գրիգորյանցն է, որը
3,5 միավոր ունի: 2-րդ տեղում ընթացող Պետրոսյանի արդյունքն է 3
միավոր: