ՀԱՅԱՍՏԱՆԻ ՌԵԳԲԻԻ ՀԱՎԱՔԱԿԱՆԸ ՀԵՐԹԱԿԱՆ ՀԱՂԹԱՆԱԿԸ ՏԱՐԱՎ
03-10-2005 14:42:00 | Հայաստան | Սպորտ
ԵՐԵՎԱՆ, 3 ՀՈԿՏԵՄԲԵՐԻ, ՆՈՅՅԱՆ ՏԱՊԱՆ: Հոկտեմբերի 1-ին
Լյուքսեմբուրգում տեղի ունեցած հանդիպմանը Հայաստանի ռեգբիի
հավաքականը 39:12 (16:12) հաշվով հաղթեց այդ երկրի հավաքականին :
Ինչպես «ՆՈՅՅԱՆ ՏԱՊԱՆ»-ի թղթակցին հայտնեց Հայաստանի ռեգբիի
ֆեդերացիայի նախագահ Գագիկ Փանիկյանը, ամբողջ խաղի ընթացքում
Հայաստանի հավաքականը զգալի առավելություն ուներ: Նրա կազմում
լավագույնն էին Լ.Հայրապետյանը, Ֆ.Բոյաջյանը եւ Դ.Դոնաբեդյանը:
Հաղթանակը Լյուքսեմբուրգի հավաքականի նկատմամբ թույլ տվեց
Հայաստանի հավաքականին ռեգբիի եվրոպական ասոցիացիայի (FIRA-AER)
առաջնության «C» խմբից անցնել «B» խումբ, որտեղ նրա հաջորդ
մրցակիցը կլինի Լիտվայի հավաքականը: Բացի այդ, Հայաստանի
հավաքականը, որը կազմված է առավելապես սփյուռքահայ խաղացողներից,
պահպանեց 28-րդ տեղը ռանգերի համաշխարհային տաբելում: