ԱՎԱՐՏՎԵՑ ՖՈՒՏԲՈԼԻ ՀԱՅԱՍՏԱՆԻ ԱՌԱՋՆՈՒԹՅԱՆ ԱՌԱՋԻՆ
ՓՈՒԼԸ
05-08-2005 20:28:00 | Հայաստան | Սպորտ
ԵՐԵՎԱՆ, 5 ՕԳՈՍՏՈՍԻ, ՆՈՅՅԱՆ ՏԱՊԱՆ: Օգոստոսի 4-ին անցկացվեցին
ֆուտբոլի Հայաստանի առաջնության բարձրագույն խմբի 2 հետաձգված
հանդիպումները: Երեւանում «Էսթեղլալ-Կոտայք»-ը ու «Փյունիկը» 0-0
հաշվով ավարտեցին իրենց հանդիպումը, իսկ «Բանանցը» Գյումրիում 5-0
հաշվով հաղթեց տեղի «Շիրակին»:
Այսպիսով, Հայաստանի առաջնության 1-ին փուլն ավարտվեց: 2-րդ
փուլում, որը կմեկնարկի օգոստոսի 28-ին, նախորդ փուլի
արդյունքներով 1-6-րդ տեղերը գրաված թիմերը կվիճարկեն երկրի
չեմպիոնի կոչումն ու մյուս մրցանակները: Նրանք 2-րդ փուլը կսկսեն
1-ին փուլում իրար միջեւ կայացած խաղերում վաստակած միավորներով`
«Փյունիկը» (Երեւան)` 22 միավորով, «Միկան» (Աշտարակ)` 17,
«Բանանցը» (Երեւան)` 16, «Էսթեղլալ-Կոտայք»-ը (Երեւան)` 12,
«Կիլիկիան» (Երեւան)` 6, «Դինամո-Զենիթ»-ը (Երեւան)` 5 միավորով:
1-ին փուլում 7-րդ եւ 8-րդ տեղերը գրաված Գյումրիի «Շիրակ» ու
Երեւանի «Արարատ» թիմերի միջեւ կայանալիք 2 խաղով կորոշվի, որ թիմն
է մնում բարձրագույն խմբում, իսկ որը այդ իրավունքը վիճարկում 1-ին
խմբի մրցաշարում 2-րդ տեղը գրաված թիմի հետ: