ԵՐԵՎԱՆ, 20 ՀՈՒՆԻՍԻ, ՆՈՅՅԱՆ ՏԱՊԱՆ: Երեւանի մանկական զբոսայգու շուրջը հունիսի 19-ին անցկացված օղակաձեւ հեծանվավազքին մասնակցեցին Հայաստանի 50-ից ավելի մարզիկներ: Ավանդական այս մրցումների հովանավորը` մարսելահայ Տոնապետ Ղազանչյանը, բազմաթիվ մրցանակներ էր սահմանել հաջող հանդես եկած հեծանվորդների համար: Հետաքրքիր մրցապայքարի արդյունքում հաղթողներ դարձան հեծանվորդներ Արթուր Գրիգորյանը (երիտասարդների դասում) եւ Ներսես Շիրինյանը (պատանիների դասում): Երկու տարիքային խմբերի բոլոր մրցանակակիրները եւ աչքի ընկած մասնակիցները պարգեւատրվեցին գավաթներով, մարզագույքով եւ մարզահանդերձանքով:

---