ԵՐԵՎԱՆ, 2 ՀՈՒՆԻՍԻ, ՆՈՅՅԱՆ ՏԱՊԱՆ: Հայաստանի 14 պատանի թենիսիստներ մասնակցեցին Թբիլիսիում անցկացված միջազգային մրցաշարին: «Ավստրիական ավիաուղիների» հովանու ներքո կազմակերպված «Թբիլիսիի գավաթ» անվանումը կրող մրցումները բավականին ներկայացուցչական էին: Այդուհանդերձ, հայ պատանիները երկու 2-րդ մրցանակ շահեցին, երկուսն էլ` տղաների զուգախաղերում: Մինչեւ 14 տարեկանների մրցապայքարում 2-րդ տեղ գրագեց Խաչատուր Խաչատրյան - Գեւորգ Սարգսյան, իսկ 16 տարեկանների մրցումներում` Դավիթ Մինասյան - Հակոբ Միրիջանյան երկյակը: Հայաստանը ներկայացնող 2 զույգերն էլ եզրափակիչ խաղերում զիջեցին վրացի թենիսիստներին:

---