ԵՐԵՎԱՆ, 4 ՄԱՅԻՍԻ, ՆՈՅՅԱՆ ՏԱՊԱՆ: Տիգրան Պետրոսյանի անվան
շախմատիստի կենտրոնական տանը շարունակվում է Հայաստանի տղամարդկանց
65-րդ առաջնությունը: 6 տուրից հետո միանգամից 4 շախմատիստներ են
գլխավորում մրցաշարային աղյուսակը: 4-ական միավորով 1-4-րդ տեղերը
բաժանում են գրոսմայստերներ Գաբրիել Սարգսյանը, Կարեն Ասրյանը,
Աշոտ Անաստասյանը եւ վարպետ Լեւոն Բաբուջյանը: 5-րդ տեղում ընթացող
գրոսմայստեր Արսեն Եղիազարյանը վաստակել է 3,5 միավոր:
7-րդ տուրի հանդիպումները կանցկացվեն մայիսի 6-ին:
12 մասնակիցների միջին անհատական վարկանիշը 2521 է, մրցաշարն
ըստ ՖԻԴԵ-ի դասակարգման սանդղակի բավականին բարձր` 11-րդ, կարգ
ունի: Սահմանված են նաեւ միջազգային գրոսմայստերների եւ միջազգային
վարպետի նորմաներ, համապատասխանաբար, 7 եւ 4,5 միավոր: