ՀԵԾԱՆՎՈՐԴ ՎԱՀԱԳՆ ԿԱՐԱՊԵՏՅԱՆԸ ԴԱՐՁԱՎ ՀԱՅԱՍՏԱՆԻ ՉԵՄՊԻՈՆ
29-04-2005 20:20:00 | Հայաստան | Սպորտ
ԵՐԵՎԱՆ, 29 ԱՊՐԻԼԻ, ՆՈՅՅԱՆ ՏԱՊԱՆ: Ավարտվեց բազմօրյա
խճուղային հեծանվավազքի Հայաստանի առաջնությունը, որին տարբեր
մարզերի ու քաղաքների շուրջ 50 մարզիկների մասնակցեցին: 5 փուլից
կազմված մրցումներում հաղթեց եւ Հայաստանի չեմպիոնի կոչումը նվաճեց
Վահագն Կարապետյանը (Երեւան): Նրանից մի փոքր ետ մնացին Վազգեն
Ղուլիջանյանը (Արմավիր) եւ Սամվել Հովհաննիսյանը (Վանաձոր), որոնք
գրավեցին, համապատասխանաբար, 2-րդ եւ 3-րդ տեղերը: Նշենք, որ այս
հեծանվորդները վերջերս բավականին հաջող էին հանդես եկել նաեւ
Իրանում անցկացված միջազգային խոշոր մրցումներում: