ԵՐԵՎԱՆ, 17 ՆՈՅԵՄԲԵՐԻ, ՆՈՅՅԱՆ ՏԱՊԱՆ: Նոյեմբերի 13-17-ին Գերմանիայի Շտուտգարդ քաղաքում անցկացվեց սպորտային մարմնամարզության աշխարհի գավաթի խաղարկությունը, որին մասնակցեցին նաեւ հայաստանցի 2 մարզիկներ: Հարություն Մերդինյանը նժույգ թափքում 6-րդ արդյունքով անցավ եզրափակիչ եւ 8 ուժեղագույնների պայքարում գրավեց 3-րդ պատվավոր տեղը` պարգեւատրվելով բրոնզե մեդալով: Վահագն Ստեփանյանը մեկնարկային փուլում վնասվածք ստացավ եւ դուրս մնաց պայքարից: Մարմնամարզության հանրապետական ֆեդերացիայում «ՆՏ»-ի թղթակցին հայտնեցին, որ դեկտեմբերի 15-19-ին Հայաստանի մարմնամարզիկները (3 տղա, 1 աղջիկ) Մոսկվայում կմասնակցեն օլիմպիական չեմպիոն Միխայիլ Վորոնինի մրցանակների միջազգային խաղարկությանը:

---