ՆՈՅԵՄԲԵՐԻ 18-ԻՆ ԵՐԵՎԱՆՈՒՄ ԿԱՆՑԿԱՑՎԻ «ՖՐԱՆՉԱՅԶԻՆԳԸ
ՀԱՅԱՍՏԱՆՈՒՄ» ԹԵՄԱՅՈՎ ՀԱՄԱԺՈՂՈՎ
11-11-2008 20:54:00 | Հայաստան | Տնտեսություն
ԵՐԵՎԱՆ, 11 ՆՈՅԵՄԲԵՐԻ, ՆՈՅՅԱՆ ՏԱՊԱՆ: Նոյեմբերի 18-ին
Երեւանում կանցկացվի «Ֆրանչայզինգը Հայաստանում» թեմայով
համաժողովը, որի կազմակերպիչներն են Հայաստանում ԱՄՆ եւ Ֆրանսիայի
դեսպանությունները, Հայաստանում Ամերիկայի առեւտրի պալատը, ՀՀ
Առեւտրաարդյունաբերական պալատը եւ Հայաստանի գործատուների
(արդյունաբերողների եւ գործարարների) միությունը:
Ինչպես «ՆՏ»-ին հայտնեց Հայաստանում Ամերիկայի առեւտրի պալատի
գործադիր տնօրեն Դիանա Գազիյանը, համաժողովի նպատակը ֆրանչայզինգի
գաղափարը եւ Հարավային Կովկասում ֆրանչայզորների իրական փորձը
Հայաստանում հնարավոր ներդրողներին եւ գործարարներին ներկայացնելն
է, ինչպես նաեւ` ֆրանչայզինգի հետ կապված իրավական եւ հարկային
հարցեր քննարկելը:
Համաժողովին մասնակցելու համար Հայաստան են ժամանելու
ամերիկյան «Baskin Robbins» ընկերության Ռուսաստանի եւ Վրաստանի
գրասենյակների ներկայացուցիչները: