ԱՐՄԱՏԱՊԵՍ ԿՎԵՐԱԿԱԶՄԱՎՈՐՎԻ ՀՀ ԳԱԱ-Ի ՀՐԱՏԱՐԱԿՉԱԿԱՆ-ՏՊԱԳՐԱԿԱՆ
ԳՈՐԾՈՒՆԵՈՒԹՅՈՒՆԸ
26-12-2007 19:05:00 | Հայաստան | Հասարակություն
ԵՐԵՎԱՆ, 26 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: ՀՀ ԳԱԱ-ի նախագահության
դեկտեմբերի 26-ի որոշման համաձայն, «Գիտություն»
հրատարակչական-արտադրական ՊՓԲԸ-ն կվերակազմավորվի ՍՊԸ-ի, որի մեջ
կընդգրկվեն ԳԱԱ-ի տպարանը եվ գիտական հանդեսների
հրատարակչական-տպագրական գործը: ԳԱԱ-ի բոլոր հրատարակությունների
(աշխատություններ, մենագրություններ, հոդվածներ) բովանդակային
կողմի պատասխանատվությունը կդրվի Ակադեմիայի ինստիտուտների գիտական
խորհուրդների, համապատասխան բաժանմունքների եվ ՀՀ ԳԱԱ
խմբագրական-հրատարակչական խորհրդի վրա:
Ինչպես «ՆՈՅՅԱՆ ՏԱՊԱՆ»-ին հայտնեցին ՀՀ ԳԱԱ-ի Լրատվական
ծառայությունից, ԳԱԱ-ի հրատարակչական-տպագրական ողջ գործունեության
վերակազմավորման նպատակն է գիտական հրատարակությունների`
հանդեսների եվ գրքերի որակի բարձրացումը: