ԵՐԵՎԱՆ, 20 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: Երեւանի քաղաքապետի կարգադրությամբ` մայրաքաղաքի մետրոպոլիտենի եւ ներքաղաքային վերգետնյա ուղեւորատար տրանսպորտի աշխատանքի տեւողությունը 2007թ.-ի դեկտեմբերի 31-ին երկարացվել է մինչեւ 2008թ.-ի հունվարի 1-ի ժամը 01:00-ը: Ինչպես «ՆՈՅՅԱՆ ՏԱՊԱՆ»-ին հայտնում են քաղաքապետարանի տեղեկատվության եւ հասարակայնության հետ կապերի վարչությունից, 2008թ.-ի հունվարի 1-6-ին ներքաղաքային հասարակական տրանսպորտը կաշխատի մինչեւ ժամը 24-ը, իսկ հունվարի 7-ից` ամենօրյա աշխատանքային ժամանակացույցով:

---