Եգիպտոսի օդանավակայանում տեղադրվել են նոր սարքավորումներ ուղեբեռները ստուգելու համար
11-11-2015 16:32:41 | Եգիպտոս | Հասարակություն
Կահիրեի միջազգային օդանավակայանում տեղադրվել են ուղեբեռի ստուգման լրացուցիչ ռենտգենային սարքավորումներ: Այս մասին գրում է gazeta.ru-ն` վկայակոչելով AhramOnline-ին:
Աղբյուրի տեղեկացմամբ` այդ մասին հայտարարել է օդանավակայանի տնօրեն Ահմեդ Գանինը:
Նրա խոսքերով, սարքավորումները տեղադրվել են բեռների փոխադրման հատվածում, որտեղ ինքնաթիռ տեղափոխելուց առաջ ստուգում են ուղեբեռները:
Գանինը նշել է նաև, որ ռուսաստանյան և միջազգային մասնագետները արդեն եղել են օդանավակայանում և ծանոթացել ստուգման ընթացակարգին:
Ավելի վաղ հաղորդվել էր, որ ռուսաստանյան անվտանգության գծով մասնագետների ստուգումները Եգիպտոսի օդանավակայանում կտևի առնվազն երկու շաբաթ:
ՀԱՅԵՐԵՆ
Русский
English
Դաս. հայերեն
French
