Samsung-ը դադարեցրել է Galaxy Note 7 սմարթֆոնի արտադրությունը
10-10-2016 14:59:27 | Կորեայի Հանր. | Գիտություն եւ տեխնոլոգիաներ
Կորեական Samsung ընկերությունը դադարեցրել է Galaxy Note 7 նոր սմարթֆոնների արտադրությունը: Korrespondent-ի տեղեկություններով, Samsung-ն արդեն հայտարարել է մշակված պլանի մասին, որով նրանք կկարողանան հետագայում մոդելն առավել անվտանգ դարձնել:
Նման որոշման կորեական ընկերությունը հանգել է ԱՄՆ-ի, Հարավային Կորեայի և Չինաստանի սպառողների անվտանգության գերատեսչական մարմինների հետ համատեղ տարված բանակցությունների արդյունքում:
Դեռևս սեպտեմբերի կեսերին Samsung-ը հայտարարել էր, որ ծրագրային թարմացման արդյունքում Galaxy Note 7-ն առավել անվտանգ էր դարձել: Հայտարարության մեջ նաև նշվել էր, որ վերացվել են հեռախոսի մարտկոցի հետ կապված խնդիրները, սակայն սպառողներն արդեն ի հայտ եկած թերություններից հետո դադարել էին հավատալ ընկերությանը:
Հավելենք, որ օգոստոսին ներկայացված սմարթֆոնը լավագույններից էր համարվում Android օպերացիոն համակարգով աշխատողների մեջ և պետք է արժանի մրցակից դառնար Apple-ի նոր iPhone7-ի հետ:
ՀԱՅԵՐԵՆ
Русский
English
Դաս. հայերեն
French
