Ապրիլի 14-ին նույնպես Հայաստանում կդիտվի ջերմաստիճանի նվազում
13-04-2011 13:23:35 | Հայաստան | Հասարակություն
Ապրիլի 13-ի գիշերն Հայաստանում ամենուրեք դիտվել են տեղումներ եւ ամպրոպ, լեռնային եւ նախալեռնային շրջաններում` ձյուն, քամու ուժգնացում 20-25 մ/վրկ: Լոռիում, Տավուշում եւ լեռնային շրջաններում առաջացել է ձյան ծածկ` 15-30 սմ բարձրությամբ, օդի ջերմաստիճանը Արարատյան դաշտում նվազել է մինչեւ +1+3
աստիճան:
Ըստ «ՀՀ հիդրոօդերեւութաբանության եւ մոնիթորինգի պետական ծառայություն՛՛ ՊՈԱԿ-ի հա-ղոր-դագրության, ապրիլի 14-ի գիշերը Արարատյան դաշտում եւ դրա նախալեռնային գոտիներում, Տավուշի հովիտներում, Սյունիքի հովիտների առանձին հատվածներում սպասվում է օդի ջերմաստիճանի նվազում` օդում մինչեւ -2, հողի մակերեւույթին մինչեւ -2-3:
Գիշերը ժամը 03:00-ին օդի ջերմաստիճանը սպասվում է 0 աստիճան, 04:00-ին` -1, 05:00-07:00-ին` -2C, քամին հյուսիս արեւմտյան 1-3 մ/վրկ:
Ցրտահարության տեւողությունը կկազմի 3 ժամ:
Խորհուրդ է տրվում կազմակերպել այգիների ծխահարում սկսած գիշերը ժամը 03:00-ից: