Ասիական զարգացման բանկը Հայաստանին կտրամադրի 1 մլն դոլարի
դրամաշնորհ
22-12-2008 15:30:00 | Հայաստան | Տնտեսություն
ԵՐԵՎԱՆ, 22 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: ՀՀ էկոնոմիկայի նախարար
Ներսես Երիցյանը եւ ՀՀ տրանսպորտի եւ կապի նախարար Գուրգեն
Սարգսյանը ՀՀ կառավարության անունից Ասիական զարգացման բանկի հետ
ստորագրել են Հյուսիս-հարավ ավտոմայրուղու կառուցման ծրագրի
նախապատրաստման նպատակով տեխնիկական օժանդակության տրամադրման
վերաբերյալ համաձայնագիր, որով ԱԶԲ-ն Տեխնիկական օժանդակության
հատուկ հիմնադրամի միջոցներից Հայաստանի կառավարությանը
դրամաշնորհային հիմունքներով կտրամադրի 1 մլն դոլար:
Տեխնիկական օժանդակության ծրագրում ներառվել է հայկական կողմի
առաջարկը` ծրագրի շրջանակում տասնամյա գործողությունների ծրագիրը
մշակելիս հաշվի առնել հյուսիս-հարավ ճանապարհային միջանցքի
հարավային հատվածում երկաթգծի եւ ավտոճանապարհի միաժամանակյա
կառուցման հնարավորությունը: