ՍՏՈՐԱԳՐՎԵՑ «ՀԱՅԿԱԿԱՆ ԵՐԿԱԹՈՒՂԻ»-Ն ԿՈՆՑԵՍԻՈՆ ԿԱՌԱՎԱՐՄԱՆ
ՀԱՆՁՆԵԼՈՒ ՊԱՅՄԱՆԱԳԻՐԸ
13-02-2008 20:15:00 | Հայաստան | Տնտեսություն
ԵՐԵՎԱՆ, 13 ՓԵՏՐՎԱՐԻ, ՆՈՅՅԱՆ ՏԱՊԱՆ: ՀՀ տրանսպորտի եւ կապի
նախարար Անդրանիկ Մանուկյանը եւ «Ռուսաստանի երկաթուղիներ» ՓԲԸ-ի
նախագահ Վլադիմիր Յակունինը փետրվարի 13-ին ստորագրեցին «Հայկական
երկաթուղի»-ն կոնցեսիոն կառավարման հանձնելու վերաբերյալ
պայմանագիր: Ինչպես նշեց Ա.Մանուկյանը, «Հայկական երկաթուղի»-ն
կկառավարի «Հարավկովկասյան երկաթուղի» ՓԲ ընկերությունը:
Վ.Յակունինը հայտնեց, որ առաջիկայում կկայանա «Ռուսաստանի
երկաթուղիներ»-ի տնօրենների խորհրդի նիստ, որտեղ կմշակվի բիզնես
պլանը: Ըստ նրա, առաջնային խնդիր է համարվելու ենթակառուցվածքների
վերանորոգումը եւ 3-4 էլեկտրաքարշերի ձեռքբերումը: Վերջինի նպատակն
է ավելացնել ներքաղաքային եւ Կովկաս-Փոթի լաստանավային
բեռնափոխադրումների ծավալները:
Նշենք, որ «Ռուասաստանի երկաթուղիներ»-ը պատրաստվում է 30
տարվա ընթացքում «Հայկական երկաթուղի»-ում ներդնել մոտ 570 մլն ԱՄՆ
դոլար, ընդ որում առաջիկա հինգ տարում` 230 մլն դոլար: