ՄՈՍԿՎԱՆ «ՊԵՐՍՈՆԱ ՆՈՆ ԳՐԱՏԱ» Է ՀԱՅՏԱՐԱՐԵԼ ԼԱՏՎԻԱՑԻ
ԴԻՎԱՆԱԳԵՏԻՆ
25-01-2008 18:42:00 | Ռուսաստան | Միջազգային
ՄՈՍԿՎԱ, 25 ՀՈՒՆՎԱՐԻ, ՆՈՅՅԱՆ ՏԱՊԱՆ: Մոսկվայում Լատվիայի
դեսպանության աշխատակիցներից մեկը հայտարարվել է «պերսոնա նոն
գրատա», նրան երկօրյա ժամկետ է վերապահվել Ռուսաստանը լքելու
համար: Այս մասին, ինչպես հաղորդում է ԻՏԱՌ-ՏԱՍՍ-ը, հայտնել են
Ռուսաստանի արտաքին քաղաքական գերատեսչությունում:
Հունվարի 25-ին Ռուսաստանի ԱԳՆ է հրավիրվել Մոսկվայում
Լատվիայի դեսպան Անդրիս Տեյկմանիսը: Դեսպանին ասվել է, որ
դիվանագետի կարգավիճակին անհարիր եւ ՌԴ անվտանգության շահերին վնաս
հասցնող գործունեության համար դեսպանության աշխատակիցներից մեկը
հայտարարվել է «պերսոնա նոն գրատա»:
Լատվիան կտրականապես հերքում է լատվիական դեսպանատան
Ռուսաստանից վտարված աշխատակցին ներկայացվող մեղադրանքները, ասվում
է Լատվիայի ԱԳՆ պաշտոնական հայտարարության մեջ: