ՀՈՒՆՎԱՐ-ՀՈԿՏԵՄԲԵՐԻ ՀՀ-ՈՒՄ ՄԱՆՐԱԾԱԽ ԱՌԵՎՏՐԻ 77,6%-Ը
ԻՐԱԿԱՆԱՑՎԵԼ Է ԽԱՆՈՒԹՆԵՐՈՒՄ ԵՎ ՍՊԱՌՈՂԱԿԱՆ ԱՊՐԱՆՔՆԵՐԻ ՇՈՒԿԱՆԵՐՈՒՄ
11-12-2006 17:22:00 | Հայաստան | Տնտեսություն
ԵՐԵՎԱՆ, 11 ԴԵԿՏԵՄԲԵՐԻ, ՆՈՅՅԱՆ ՏԱՊԱՆ: 2006թ.-ի
հունվար-հոկտեմբերին ՀՀ մանրածախ առեւտրի շրջանառությունում մեծ
տեսակարար կշիռ է ունեցել խանութներում եւ սպառողական ապրանքների
շուկաներում իրականացվող առեւտուրը` 77,6% (471 մլրդ 385,1 մլն
դրամ, կամ ավելի քան 1 մլրդ 108 մլն ԱՄՆ դոլար):
ՀՀ Ազգային վիճակագրական ծառայության տվյալներով, սպառողական
ապրանքների շուկաներում 2006թ.-ի հունվար-հոկտեմբերին առեւտրի
շրջանառությունը, ընթացիկ գներով, կազմել է 170 մլրդ 222,6 մլն
դրամ:
Հանրապետության սպառողական ապրանքների շուկաները հիմնականում
մասնագիտացված են ոչ պարենային ապրանքների վաճառքով, որի տեսակարար
կշիռը սպառողական ապրանքների շուկաների առեւտրի շրջանառությունում
2006թ.-ի հունվար-հոկտեմբերին կազմել է 83,1%:
2006թ.-ի հունվար-հոկտեմբերին 2005թ.-ի հունվար-հոկտեմբերի
նկատմամբ հանրապետության սպառողական ապրանքների շուկաների առեւտրի
շրջանառությունում գրանցվել է Երեւան քաղաքի շուկաների առեւտրի
շրջանառության տեսակարար կշռի աճ 1%-ով:
2006թ.-ի նոյեմբերի 1-ի դրությամբ ապրանքային պաշարները
մանրածախ առեւտրի օբյեկտներում կազմել են 62 մլրդ 132,9 մլն դրամ,
իսկ ապահովվածությունըՆ 60 օր:
2006թ.-ի հունվար-հոկտեմբերին գյուղատնտեսական արտադրանքի
շուկաների առեւտրի շրջանառությունը կազմել է 17 մլրդ 555,9 մլն
դրամ, կամ մանրածախ առեւտրի շրջանառության 2,9%-ը: