ԲԱՔՈՒ, 30 ՕԳՈՍՏՈՍԻ, ՆՈՅՅԱՆ ՏԱՊԱՆ: Ադրբեջանի խմբագիրների միավորումը կոչ է անում երկրի իշխանություններին դադարեցնել ճնշումը ԶԼՄ-ների նկատմամբ: «Վերջին ժամանակներս կրկին բարդացել է լրագրողների իրավունքների հետ կապված իրադրությունը: Պետական պաշտոնյաների պատիվն ու արժանապատվությունը վիրավորելու մեղադրանքով թերթերի աշխատակիցների նկատմամբ բազմաքանակ դատերը վկայում են լարվածության մասին այդ ոլորտում»,- հայտարարել է Ադրբեջանի խմբագիրների միավորման անդամ Արիֆ Ալիեւը լրագրողների խնդիրներին նվիրված «կլոր սեղանի» ժամանակ: Ա.Ալիեւն ասել է, որ երկրում իրականացվում է «ճնշման քաղաքականություն լրագրողների հանդեպ, ծավալվում բարոյական շանտաժի արշավ»,- հաղորդում է «ԻՆտերֆաքսը»:

---