ՄՇԱԿՈՒՅԹԻ ԵՎ ԵՐԻՏԱՍԱՐԴՈՒԹՅԱՆ ՀԱՐՑԵՐԻ ՆԱԽԱՐԱՐԻ ՊԱՇՏՈՆԸ
ԿԶԲԱՂԵՑՆԻ «ՀԱՅՖԻԼՄ» ԿԻՆՈՍՏՈՒԴԻԱՅԻ ՏՆՕՐԵՆ, ԱՆԿՈՒՍԱԿՑԱԿԱՆ ԳԵՎՈՐԳ
ԳԵՎՈՐԳՅԱՆԸ
06-02-2006 18:00:00 | Հայաստան | Մշակույթ
ԵՐԵՎԱՆ, 6 ՓԵՏՐՎԱՐԻ, ՆՈՅՅԱՆ ՏԱՊԱՆ: Առաջիկա երկու օրերին ՀՀ
մշակույթի եւ երիտասարդության հարցերի նախարար կնշանակվի «Հայֆիլմ»
կինոստուդիայի երկարամյա տնօրեն, անկուսակցական Գեւորգ Գեւորգյանը:
Ինչպես «ՆՈՅՅԱՆ ՏԱՊԱՆ»-ի թղթակցին հայտնեց Գեւորգ Գեւորգյանը,
փետրվարի 6-ին ինքն այդ կապակցությամբ հանդիպել է ՀՀ նախագահ
Ռոբերտ Քոչարյանի հետ:
Նշենք, որ մշակույթի նախարարի պաշտոնում աշխատելու առաջարկը
Գ. Գեւորգյանին արվել է «Օրինաց երկիր» կուսակցության վարչության
որոշման համաձայն: Որոշումը կայացնելիս «Օրինաց երկիր»-ը հաշվի է
առել նաեւ մի խումբ անվանի արվեստագետների նամակը, ըստ որի,
պարտադիր չէ, որ մշակույթի նախարարի պաշտոնը զբաղեցնող անձը լինի
կուսակցական: