ՄԻՆՉԵՎ ԱՊՐԻԼԻ ՎԵՐՋԸ ՔՎԵԲԵԿԻ ՀԱՆՐԱՅԻՆ ԶԲՈՍԱՅԳՈՒՄ ԿՏԵՂԱԴՐՎԻ
ԿՈՄԻՏԱՍԻ ԿԻՍԱՆԴՐԻՆ
28-02-2005 17:10:00 | Հայաստան | Մշակույթ
ԵՐԵՎԱՆ, 28 ՓԵՏՐՎԱՐԻ, ՆՈՅՅԱՆ ՏԱՊԱՆ: Համազգային հայ կրթական
եւ մշակութային միությունն ու Հայաստանի Նկարիչների միությունը
հայտարարել են քանդակագործների մրցույթ Կոմիտասի բրոնզաձույլ
կիսանդրին պատրաստելու համար: Մրցույթում հաղթող ճանաչված
աշխատանքը մինչեւ ապրիլի վերջը պետք է տեղադրվի Կանադայի Քվեբեկ
քաղաքի հանրային զբոսայգում:
Մեծն Կոմիտասի կիսանդրին Քվեբեկի հանրային զբոսայգում
տեղադրելու խնդրանքով քաղաքային իշխանություններին է դիմել
Մոնրեալի հայ համայնքը եւ համաձայնություն է ստացել:
Համազգային հայ կրթական եւ մշակութային միության տնօրեն Լիլիթ
Գալստյանը «ՆՈՅՅԱՆ ՏԱՊԱՆ»-ի թղթակցին հայտնեց նաեւ, որ մրցույթում
հաղթող ճանաչված աշխատանքը կարժանանա 5 հազար ԱՄՆ դոլար դրամական
պարգեւի: