ԲՈՒՇԸ ԿԱՐԾՈՒՄ Է, ՈՐ ԻՍՐԱՅԵԼԱ-ՊԱՂԵՍՏԻՆՅԱՆ ԽԱՂԱՂՈՒԹՅԱՆ
ՀԱՄԱՁԱՅՆԱԳԻՐԸ ԿՍՏՈՐԱԳՐՎԻ ՄԻՆՉԵՎ 2009 ԹՎԱԿԱՆԻ ՀՈՒՆՎԱՐ
10-01-2008 18:30:00 | | Միջազգային
ՌԱՄԱԼԼԱՀ, 10 ՀՈՒՆՎԱՐԻ, ՆՈՅՅԱՆ ՏԱՊԱՆ: ԱՄՆ-ի նախագահ Ջորջ
Բուշը կարծում է, որ խաղաղության համաձայնագիրը Իսրայելի եւ
Պաղեստինի ինքնավարության միջեւ կստորագրվի մինչեւ իր
պաշտոնավարման ավարտը` 2009 թվականի հունվար, հաղորդում է
Reuters-ը:
«Ես հավատում եմ, որ դա հնարավոր է, ոչ միայն հնարավոր է,
այլեւ, հավատում եմ, դա կլինի»,- հայտարարել է ԱՄՆ-ի նախագահը
Ռամալլահ քաղաքում մամլո ասուլիսի ժամանակ, որտեղ նա ժամանել է
Պաղեստինի ինքնավարության առաջնորդ Մահմուդ Աբբասի հետ
բանակցությունների համար:
Նշվում է նաեւ, որ Բուշը հայտարարել է, որ ԱՄՆ-ը դեմ է
Իսրայելի կողմից այնպիսի գործողությունների, որոնք քայքայում են
Պաղեստինյան ինքնավարության եւ նրա ղեկավար Մահմուդ Աբբասի
պաշտպանական ուժերը: