«Եվրատեսիլ 2011» մրցույթում Հայաստանը ներկայացնող պատվիրակությունը հերքել է լուրերն այն մասին, որ հայաստանյան կողմը բողոքարկել է մրցույթի առաջին եզրափակչի արդյունքները: Այդ մասին պաշտոնական հայտարարությամբ է հանդես եկել «Եվրատեսիլ 2011» մրցույթում Հայաստանը ներկայացնող պատվիրակության նախագահ Գոհար Գասպարյանը: Միեւնույն ժամանակ, ըստ հայաստանյան պատվիրակության, մրցույթի վատ կազմակերպված հեռարձակման պատճառով մի շարք երկրներում եղել են օնլայն քվեարկության հետ կապված որոշ դժվարություններ, ինչի արդյունքում Հայաստանը ներկայացնող երգչուհին չի անցել եզրափակիչ:

---