Հունիսի 2-ին, ժամը 18.16-ին ահազանգ է ստացվել, որ Վեդի-Սիսավան ավտոճանապարհին տեղի է ունեցել ՃՏՊ, կա տուժած. անհրաժեշտ է փրկարարների օգնությունը:
Դեպքի վայր է մեկնել մեկ մարտական հաշվարկ:
Դեռևս չբացահայտված հանգամանքներում «Միցուբիշի» մակնիշի 14 ՏՍ 024 պ/հ ավտոմեքենան դուրս է եկել ճանապարհի երթևեկելի հատվածից և շրջվել Արտաշատի ջրանցքը:
Մինչ հրշեջ-փրկարարների կանչի վայր հասնելը` վարորդ, 1965 թ. ծնված Ա. Խաչատրյանը տարբեր մարմնական վնասվածքներով տեղափոխվել է Վեդիի, այնուհետև` «Էրեբունի» բժշկական կենտրոն:
Ըստ բժիշկների` տուժածի առողջական վիճակը կայուն ծանր է:
Հրշեջ-փրկարարները, ոստիկանության աշխատակիցների հետ համատեղ, հատուկ տեխնիկայով ավտոմեքենան դուրս են բերել ջրանցքից: