ԵՐԵՎԱՆ, 26 ՄԱՐՏԻ, ՆՈՅՅԱՆ ՏԱՊԱՆ: Թատերական արվեստի բնագավառում ներդրած նշանակալի ավանդի համար եւ Թատրոնի միջազգային օրվա կապակցությամբ ՀՀ նախագահ Ռոբերտ Քոչարյանի մարտի 26-ի հրամանագրով արվեստի եւ մշակույթի մի խումբ գործիչների շնորհվել են Հայաստանի Հանրապետության պատվավոր կոչումներ: Այս մասին «ՆՈՅՅԱՆ ՏԱՊԱՆ»-ին հայտնեցին ՀՀ նախագահի Մամլո գրասենյակից: Ժողովրդական արտիստի պատվավոր կոչում է շնորհվել` Կիմ Անդրանիկի Երիցյանին - Երեւանի Հր.Ղափլանյանի անվան պետական դրամատիկական թատրոնի դերասան, Իրինա Սերգեյի Մարչենկոյին - Կ.Ստանիսլավսկու անվան պետական ռուսական դրամատիկական թատրոնի դերասանուհի, Ռոզա Մարկոսի Մխիթարյանին - Վանաձորի Հ.Աբելյանի անվան պետական դրամատիկական թատրոնի դերասանուհի, Ռաֆայել Քրիստափորի Ջրբաշյանին - ռեժիսոր, Երեւանի թատրոնի եւ կինոյի պետական ինստիտուտի պրոֆեսոր: Վաստակավոր արտիստի պատվավոր կոչում է շնորհվել` Գեորգի Քրիստափորի Ամիրագովին - Երեւանի երիտասարդական կամերային թատրոնի դերասանի, ռեժիսոր, Ռազմիկ Նիկադիմի Խոսրոեվին - Գ.Սունդուկյանի անվան ազգային ակադեմիական թատրոնի դերասան, Լուսինե Պարույրի Կիրակոսյանին - Երեւանի Հր.Ղափլանյանի անվան դրամատիկական թատրոնի դերասանուհի, Դավիթ Վարազդատի Հակոբյանին - Երեւանի «Համազգային» պետական թատրոնի դերասան, ռեժիսոր Ալիս Արամի Հեքիմբաշյանին - Ալ.Սպենդիարյանի անվան օպերայի եւ բալետի ազգային ակադեմիական թատրոնի բեմադրիչ, Երեւանի Կոմիտասի անվան պետական կոնսերվատորիայի դասախոս, Մարիամ Մովսեսի Ղազարյանին - Հ.Պարոնյանի անվան երաժշտական կոմեդիայի պետական թատրոնի դերասանուհի, Արա Աշոտի Մաթեւոսյանին - Երեւանի պատանի հանդիսատեսի թատրոնի դերասան, Սիլվա Համբարձումի Յուզբաշյանին - Հայաստանի պետական ֆիլհարմոնիայի մենակատար, ասմունքող, Կարեն Սերգեյի Ջանգիրովին - Գ.Սունդուկյանի անվան ազգային ակադեմիական թատրոնի դերասան: Վաստակավոր նկարչի պատվավոր կոչում է շնորհվել` Մարտիրոս Խաչատուրի Բադալյանին - Երեւանի խամաճիկների պետական թատրոնի գլխավոր նկարիչ: Արվեստի վաստակավոր գործչի պատվավոր կոչում է շնորհվել` Վրեժ Հարությունի Հակոբյանին - Ալ.Սպենդիարյանի անվան օպերայի եւ բալետի ազգային ակադեմիական թատրոնի տնօրենի տեղակալ, Լարիսա Վլադիմիրի Մանգասարովային - Հ.Թումանյանի անվան տիկնիկային պետական թատրոնի բեմադրիչ, Արզաս Գրիգորի Ոսկանյանին - կոմպոզիտոր, Երեւանի Կոմիտասի անվան պետական կոնսերվատորիայի ազգային նվագարանների եւ հայ երգեցողության ամբիոնի վարիչ, պրոֆեսոր, Վիգեն Բորիսի Ստեփանյանին - բեմադրիչ:

---