Շրի Լանկայում վայրի փիղը տրորել է տեղացի լրագրող 43-ամյա Պրիյանտա Ռատնայկային (Priyantha Ratnayake): Այս մասին գրում է lenta.ru-ն` վկայակոչելով Can Indian News-ին:
Դեպքը տեղի է ունեցել հայտնի զբոսաշրջային վայրերից մեկում` Միներեյայի ազգային զբոսայգում (Minneriya National Park): Կենդանու հարձակումից հետո լրագրողին հասցրել են տեղի Hingurakgoda Hospital հիվանդանոց, որտեղ և մահացել է: Միջադեպի հետ կապված այլ տեղեկություններ չկան:
РИА Новости-ի տվյալների համաձայն` Շրի Լանկայում փղերի հարձակումների հետևանքով վերջին տարիների ընթացքում մահացել է 70 մարդ: Նույն ժամանակահատվածում սպանվել է շուրջ 150 փիղ:
Չնայած նրան, որ Շրի Լանկայում փղերը համարվում են սուրբ կենդանիներ, այնուամենայնիվ, վերջին շրջանում ֆերմերների կողմից իրականացվող որսի արդյունքում նրանց թիվը մեծապես կրճատվել է:
ՀԱՅԵՐԵՆ
