Ռուսաստանը հուլիսի 1-ից սահմանում է նոր կարգ՝ առանց վիզայի քաղաքացիների համար պարտադիր կլինի «Գոսուսլուգի RuID» հավելվածը
30-06-2026 19:30 Ռուսաստան Քաղաքականություն
auroranews.am Ռուսաստանում հուլիսի 1-ից ուժի մեջ է մտնում նոր պահանջ, համաձայն որի՝ առանց վիզայի ռեժիմով երկիր մուտք գործող բոլոր օտարերկրյա քաղաքացիները պարտավոր կլինեն օգտագործել «Госуслуги RuID» հավելվածը։ Այս մասին РИА Новости-ին հայտնել է Պետդումայի վերահսկիչ կոմիտեի նախագահի առաջին տեղակալ Դմիտրի Գուսևը։
Նրա խոսքով՝ նոր համակարգը նախատեսված է կարգուկանոնի և անվտանգության ապահովման համար, ինչպես նաև թույլ է տալիս պետությանը նախապես տեղեկացված լինել երկիր ժամանող անձանց մասին։
Գուսևը նշել է, որ դիմումը պետք է ներկայացվի մուտքից ոչ ուշ, քան 72 ժամ առաջ՝ նշելով այցելության նպատակը և մնալու ժամկետը։
Նոր կարգից բացառություն կկազմեն Բելառուսի քաղաքացիները, մինչև 6 տարեկան երեխաները, դիվանագետները, ծառայողական անձնագրերի կրողները և պաշտոնական պատվիրակությունների անդամները։
ՀԱՅԵՐԵՆ
