Արման Եղոյանը հանդիպել է Կոնրադ Ադենաուեր հիմնադրամի տարածաշրջանային ծրագրի տնօրենի հետ
06-07-2026 19:17 Հայաստան Մամլո հաղորդագրություն
Ազգային ժողովի եվրոպական ինտեգրման հարցերի մշտական հանձնաժողովի նախագահ Արման Եղոյանը հուլիսի 6-ին հանդիպել է Կոնրադ Ադենաուեր հիմնադրամի «Քաղաքական երկխոսություն. Հարավային Կովկաս» տարածաշրջանային ծրագրի տնօրեն Յակոբ Վյոլենշտայնին: Հանդիպմանը ներկա է եղել նաեւ հիմնադրամի երեւանյան գրասենյակի ղեկավար Լիանա Մարուքյանը:
Հանձնաժողովի նախագահն արժեւորել է հիմնադրամի հետ երկարամյա համագործակցությունն ու քննարկել առաջիկա ծրագրերի իրականացման հնարավորությունները: Քննարկվել են ՀՀ-ԵՄ խորացող համագործակցության պայմաններում հիմնադրամի կողմից իրականացվող նոր ծրագրերի հնարավոր շրջանակն ու դրանց ուղղությունները:
Հանդիպմանն անդրադարձ է եղել նաեւ խորհրդարանական ընտրություններին նախորդող եւ հաջորդող գործընթացներին:
ՀԱՅԵՐԵՆ
