Իրանի իշխանությունները հայտնել են Թեհրանի մերձակայքում պայթյունների պատճառը
11-07-2026 13:52 Իրան Ի՞նչ է գրում մամուլը
Sputnik. Ավելի վաղ հաղորդվել էր Թեհրանից արևելք պայթյունների մասին:
Թեհրանից արևելք պայթյունները կապված են եղել պայթուցիկ նյութերի ոչնչացման հետ։ Այս մասին հայտնում է Tasnim գործակալությունը՝ վկայակոչելով տեղական իշխանություններին:
«Պայթյունների ձայները, որոնք հնչել են Թեհրան նահանգի արևելյան մասում, կապված են պայթուցիկ նյութերի ոչնչացման վերահսկվող գործողության հետ», - ասվում է հաղորդագրության մեջ:
Ավելի վաղ Fars գործակալությունը հայտնել էր, որ Թեհրանից արևելք պայթյունների ձայներ են լսվել:
Հիշեցնենք` ԱՄՆ զինվորականները հուլիսի 7-ի լույս 8-ի գիշերը հզոր հարվածների շարք սկսեցին Իրանի ուղղությամբ։ ԱՄՆ ԶՈւ կենտրոնական հրամանատարությունը հայտարարեց, թե դա իբր արվել է ի պատասխան Հորմուզի նեղուցով անցնող առևտրային նավերի դեմ Իրանի գործողությունների։
Իրանցի զինվորականները հայտնեցին Բահրեյնում և Քուվեյթում գտնվող ԱՄՆ ռազմաբազաներին հասցված պատասխան հարվածների մասին, Իրանի իշխանությունները Վաշինգտոնին մեղադրեցին ռազմական գործողությունների դադարեցման մասին հուշագիրը խախտելու մեջ։ Թեհրանը հայտարարեց, որ դադարեցնում է ԱՄՆ–ի հետ վերջնական կարգավորման շուրջ բանակցությունները։
ՀԱՅԵՐԵՆ
