ՀԾԿՀ-ն հստակեցրել է հեռահաղորդակցության օպերատորների կողմից մատուցված ծառայությունների վերաբերյալ բաժանորդներին տեղեկատվության տրամադրման կարգը
09-09-2026 15:53 Հայաստան Մամլո հաղորդագրություն
ՀՀ հանրային ծառայությունները կարգավորող հանձնաժողովը հստակեցրել է հեռահաղորդակցության օպերատորների կողմից մատուցված ծառայությունների վերաբերյալ բաժանորդներին տեղեկատվության տրամադրման կարգը։
ՀՀ հանրային ծառայությունները կարգավորող հանձնաժողովի այսօրվա նիստում ընդունված որոշմամբ հստակեցվել է ամրակցված և շարժական կապի ծառայություններ մատուցող օպերատորների կողմից բաժանորդներին ծառայությունների վերաբերյալ մանրամասն տեղեկատվության տրամադրման կարգը։
Նոր կարգավորումների համաձայն՝ սահմանվել է օպերատորի կողմից մատուցված ծառայությունների վերաբերյալ բաժանորդներին տեղեկություններ տրամադրելու ընթացակարգը, որի համաձայն օպերատորը բաժանորդի գրավոր կամ էլեկտրոնային եղանակով հարցման դեպքում տրամադրում է հարցման պահին նախորդող՝ մինչև 1 տարին ներառող՝ բաժանորդի կողմից հայցվող ժամանակահատվածի համար բաժանորդի մուտքային և ելքային զանգերի, ինտերնետ օգտագործման ծավալների, տեքստային հաղորդագրությունների (SMS), միջազգային ռոումինգ ծառայությունների, երրորդ անձանց կողմից կամ համատեղ մատուցված, ինչպես նաև այլ ծառայությունների վերաբերյալ տեղեկություններ, եթե այդ ծառայությունները սակագրվել են և բաժանորդի համար ծառայության վճար առաջացրել։
Նախատեսվել է օպերատորի իրավունքը՝ բաժանորդին տրամադրելու նաև տեղեկություններ այն ծառայությունների մասով, որոնք չեն սակագրվել և բաժանորդի համար ծառայության վճար չեն առաջացրել՝ պայմանով, որ դրանք չտրամադրելու վերաբերյալ տեղեկությունը նախապես հրապարակվում է օպերատորի պաշտոնական ինտերնետային կայքում։
Տեղեկությունները բաժանորդին տրամադրվում են նրա նախընտրած՝ փաստաթղթային, էլեկտրոնային եղանակով։ Էլեկտրոնային եղանակով տեղեկությունները տրամադրվում են անվճար՝ էլեկտրոնային փոստի, օպերատորի պաշտոնական ինտերնետային կայքի, շարժական բջջային հավելվածի միջոցով։
ՀԱՅԵՐԵՆ
