Վարչապետը շնորհավորական ուղերձ է հղել Տաջիկստանի նախագահին
09-09-2026 16:00 Հայաստան Մամլո հաղորդագրություն
Վարչապետ Նիկոլ Փաշինյանը շնորհավորական ուղերձ է հղել Տաջիկստանի Հանրապետության նախագահ էմոմալի Ռահմոնին՝ Անկախության օրվա առիթով:
Ուղերձում ասված է.
«Ջերմորեն շնորհավորում եմ Ձեզ և Տաջիկստանի բարեկամ ժողովրդին` Տաջիկստանի Հանրապետության ազգային տոնի՝ Անկախության օրվա առթիվ:
Ձեր ղեկավարությամբ իրականացվող հետևողական քայլերը կարևոր նշանակություն ունեն Տաջիկստանի պետականության ամրապնդման, երկրի տնտեսական զարգացման և քաղաքացիների բարեկեցության բարձրացման գործում։
Լիահույս եմ, որ հայ և տաջիկ ժողովուրդների բարեկամությունն ու փոխադարձ հարգանքի ամուր ավանդույթները հետագայում ևս կշարունակեն նպաստել երկու պետությունների միջև փոխգործակցության հետևողական առաջմղմանը և ջանքերի մեկտեղմանը՝ ի նպաստ բարձր մակարդակի քաղաքական երկխոսության զարգացման և երկկողմ համագործակցության հարստացման՝ տնտեսության, մշակութային–հումա¬նիտար, գիտական ու կրթական ոլորտների հեռանկարային նախագծերով:
Օգտվելով առիթից՝ մաղթում եմ Ձեզ քաջառողջություն, անսպառ եռանդ և նորանոր հաջողություններ բոլոր նախաձեռնություններում, իսկ Տաջիկստանի բարեկամ ժողովրդին՝ խաղաղություն և բարեկեցություն»:
ՀԱՅԵՐԵՆ
