Հնդկաստանի արևելքում զինված հարձակման արդյունքում 14 մարդ է զոհվել
05-08-2016 19:01 Հնդկաստան Հասարակություն
Հնդկական Ասսամ նահանգում խաղաղ բնակիչների վրա զինված խմբավորումների արդյունքում զոհվել է առնվազն 14 մարդ, ևս 15-ը ստացել են մարմնական վնասվածքներ: Interfax.ru-ի փոխանցմամբ` այդ մասին հաղորդում է Times of India պարբերականը:
Աղբյուրի տեղեկացմամբ` դեպքը տեղի է ունեցել Կոկրաջհար քաղաքում` մարդաշատ շուկայում: Կրակահերթը շարունակվել է 20 րոպե, դեպքի վայրում կենտրոնացվել են ոստիկանական ուժեր:
Վերջին տվյալներով` ոստիկանական պահակախումբը տեղում սպանել է հարձակվողներից մեկին, ևս մի քանի անհայտ անձանց հաջողվել է դեպքի վայրից փախուստի դիմել: Ներկա պահին նրանց նկատմամբ հետախուզություն է ընթանում:
Առայժմ ոչ մի խմբավորում կատարվածի պատասխանատվությունը չի ստանձնել:
ՀԱՅԵՐԵՆ
